شعبك رخيص يا مصر
رخيص في كل عصر
كل واحد بيحلم يكون عنده قصر
فيكي الحرامي شريف
والكل اعمي كفيف
فيكي الغريب علي الراس
وسبتي ولادك تنداس
حكومة كلها ظلمه
خلت الدنيا ضلمه
بيقولوا فيكي حضارة
بس الحضارة حجارة
ولادك بيطفشوا ليه
علشان كرسي البيه
الشاي بقي بالياسمين
واللي مايشربوش حزين
ينام في الزنازيين
قالوا عليكي امي
ونيلك بيجري في دمي
من يوم ماجبتي نجيب
مكنشي فيكي حبيب
ويوم ماجبتي جمال
الحظ بيكي مال
ويوم ماجبتي سادات
نص شعبك مات
ويوم ماجبتي مبارك
السرطان كان دمارك
ويوم ماجبتي مرسي
الكل عايز الكرسي
ويوم ماجبتي عبدالفتاح
محدش فيكي ارتاح
هنشكي لمين يا امي
انا فيكي سايل دمي
............ مصطفي سالم....
ليست هناك تعليقات:
إرسال تعليق