ارخى الستائر
ارخى الستائر خلى نورك ليا وحدى
ولملمى كل الضفائر اوعى حد يشوفها بعدى
كل مافيكى امانه احفظيها لما اعود
احفظى لحظه لقانا واحفظى ورد الخدود
واحفظى العشق ف هوانا دارى نفسك م الحسود
اه ياخوفى من الخيانه صوتها اقوى من البارود
ده انتى حبك له مكانه حب فاق كل الحدود
اه يانارى من عيونك فيها صبح وفيها ليل
كحل ربانى ف جفونك شىء بديع مالوش مثيل
حتى فى لحظات جنونك قلبى عاشقك ياجميل
بادعى رب الكون يصونك هو حسبى والوكيل
شعر احمد اسماعيل / شاعر العرب
ليست هناك تعليقات:
إرسال تعليق