قصيدة / ( رسالتين )
بقلمى / هدى سيد
٢٠١٦/١٠/١١
تنويه / الرسالتين هما رسالتين حقيقيتين من الابن فعلا وليسا من تأليفى
ماما خلى الرساله دى عندك اوعى ف يوم تمسحيها
ماما لو حصلى اى حاجه عاوزك تبقى متاكده انى محبتش حد ف حياتى ادك
و عاوزك كمان تسامحينى ع كل يوم نمتى زعلانه فيه منى سواء كان غصب عنى او بقصد
قلبى بيدعى لك يا ولدى
بكل خير
وزعلى منك خوف عليك
لكنى يا ابنى صدقنى
راضية عليك
وبادعى رب العالمين
بإيديك تشيلنى للمثوى
الأخير
تحبى اصلى ركعتين غفران ي ماما عشان تغفريلى الذنب العظيم اللى انا عمال اتاسف عليه من امبارح
قوليلى ايه اللى ممكن اعمله عشان تغفريلى ذنبى و خطيئتى
ربنا ما يحكمك من قلب حد ي ماما عشان لما بتملكى بتتجبرى
ليه لهجتك إتغيرت
والحدة باينة من عنيك
أنا اسفة والله يا ابنى ليك
ما بين رسالة ورسالة
ضاع الكتير
ضاع مننا رابط حنين
زاد الجفا إحساس لعين
ما بقاش ما بينا غير
يا دوبك دمعتين
حسرة وألم وكتير أنين
كان نفسى تفضل ضحكتك
طول السنين
لكن ياولدى نعمل إيه
وسواس لعين
أنا بس نفسى أقول لك
كلمتين
لما الملايكة تاخدنى على
باب جنتى
راح أقولهم طب ابنى فين
ليست هناك تعليقات:
إرسال تعليق