{{{ صرخة محتاج }}}
******************
أنا إنسان من حقي أعيش
يمكن أكون .. مقدرش أعبر
عن أحلام .... جوايا بتكبر
وظروفي ديا ... ما تعبنيش
محتاج ناس.كده.عايشه معايا
فرحان بيها ..... من جوايا
وبنظراتهم ما يجرحونيش
*********************
أنا إنسان من حقي أعيش
*********************
أمي دايما ...... بتشيل همي
ومافى غيرها ..خال ولاعمي
حضنها هو ... ..أمان ويدفي
بدعي ربي ....... ورافع كفي
إنه يطول ..... عمرها لينا
بأجر عظيم.... من رب كريم
بجنة تحت .. أقدامها توفي
اتمني إني ... أفديها بعمري
وروحي فداها .. ولا بتكفي
ربي منها ... ما تحرمنيش
*********************
أنا إنسان من حقي أعيش
*********************
وأنت يا صاحبي قرب مني
قلبي معاك .... بفرح بلقاك
زرني بحب. أنا مش بنساك
محتاج ضحكه ونظرة حب
كلمة رقيقة .... شوية لعب
ويا أصحابي مبسوط بيك
نظرة عيني ...عنوان حبي
واللي أنا فيه دا مش ذنبي
إني مريض والكل ساببني
فكري شارد..... دايما مني
بصرخ طول الوقت يوماتي
يمكن ألاقى ... إنسان جنبي
أنسى همومي أنسى آهاتى
أصل الدنيا ما بتساويش
********************
أنا إنسان من حقي أعيش .
********************
{ كلمات أ / محمد عباس }{ ابن الحجايزة }
ليست هناك تعليقات:
إرسال تعليق