{{ خريج توك توك أنا يا حياه }}
□□□□□□□□□□□□□□
خريج توك توك .. أنا يا حياه
بصرخ طول ...... اليوم جواه
ناسي شهادتي. وكل سعادتي.
وحلمي كمان..... ضايع وياه
مصر بلادي .... صابها الفقر
فقر بسرقة ...... وظلم بقهر
وشعب عظيم .. يحلم بنجاه
عدالة حريه ... وعيشة هنيه
لكن ليه ....... خيبتوا رجاه
*********************
خريج توك توك أنا يا حياه
*********************
كانت أقوي ... بلاد الدنيا
تحت رأيتها .. عرب وأجانب
واصل خيرها ... لكل الدنيا
وحبها جوا ....طفل وشايب
نصنع فيها .........وبأيادينا
كسوة لكعبة ....... بيت الله
*******************
خريج توك توك أنا يا حياه
*******************
فين الصحة .. فين التعليم
دكتور ماهر .... لكنه سقيم
ناسي الفوطه .. جوا الجرح
شايل الهم ... ماشاف الفرح
وراتبه ضعيف والحزن ملاه
*********************
خريج توك توك أنا يا حياه
*********************
زرعنا ضايع ..... وارضنا بور
مركب تايه ......... بالفسفور
حتى الميه ... مش موجوده
خلت عيشة..... الفلاح سوده
ارضنا باكيه...عطش وجفاف.
كلمتي صرخه.ومش هنخاف.
زرنا كتير ........ و الهم تقيل
حقل تجارب......... صبح وليل
صحوا ضمير........الظلم عماه
***********************
خريج توك توك أنا يا حياه
***********************
مصر عظيمة ..... ليه تذلوها
ثابتة وواثقة ........ من قوتها
ارفعوا راس ...... مصر وعلوها
وبأيادينا ......... نرسم سعادتها
مصر بلادي .... حاولوا تحبوها
خافوا الله ............ يوم لقياه
حاكم عادل............ بشرع سماه
************************
خريج توك توك .......أنا يا حياه
************************
{ كلمات أ / محمد عباس }{ابن الحجايزة }
ليست هناك تعليقات:
إرسال تعليق