**حروف الشجن** ثوره تانى مش هتحصل** للمبدع

ثورة تاني مش هيحصل 
إحنا فعلا قرفانين 
هو لسه في حد أهبل 
يرمي نفسه في الكمين 
إللي حرض بكرا يهرب 
وإحنا نفضل محبوسين

ولو هتنجح مين هيركب ؟

ومين هيقتل فينا مين ؟

هي فعلا عيشه صعبه 

بس علي مين صعبانين ؟

كل مره حركه فاشله

والحكومه تقول أمين 

يملوا كل الدنيا عسكر 

شفت هتروح بينا فين 

عدي عدي لو هتقدر

والكمين يجيب كمين 

حرب دايره بين حوتين 

وإحنا بين الاتنين عجين

واللي يركب ع السفينه

إحنا أول منداسين 

...............................
عصام دويدار